«Инклюзивті білім беру»

1. Жалпы ережелер

Мектепке дейінгі ұйымдарда барлық тәрбиеленушілерге, соның ішінде ерекше білім беру қажеттіліктері бар балаларға сапалы мектепке дейінгі тәрбие мен оқытуға тең қолжетімділікті қамтамасыз ететін инклюзивті білім беру жүйесі жүзеге асырылады.

Инклюзивті тәжірибе әрбір баланың жеке ерекшеліктерін ескеретін және оның табысты әлеуметтенуіне ықпал ететін қолайлы, қауіпсіз әрі дамытушы білім беру ортасын құруға бағытталған.

Білім беру қызметі Қазақстан Республикасының мектепке дейінгі тәрбие мен оқытудың Мемлекеттік жалпыға міндетті стандартына (МЖМБС), Қазақстан Республикасының «Білім туралы» Заңына және инклюзивті білім беру саласындағы нормативтік құқықтық актілерге сәйкес жүзеге асырылады.

2. Мақсаты мен міндеттері

Мақсаты: Баланың жеке тұлғасын толыққанды дамытуға, оның жеке білім беру қажеттіліктерін ескере отырып, қоғамға табысты бейімделуі мен кірігуіне жағдай жасау.

Негізгі міндеттері:

• білім беру ортасының қолжетімділігін қамтамасыз ету;

• жеке және сараланған тәсілді жүзеге асыру;

• танымдық, сөйлеу, эмоциялық-ерік және әлеуметтік салаларды дамыту;

• толеранттылық пен қабылдау мәдениетін қалыптастыру;

• кешенді психологиялық-педагогикалық қолдауды ұйымдастыру.